Osmani: Protesta e 1 tetorit 1997 ishte paralajmërim i hershëm për lirinë

Aktuale

Osmani: Protesta e 1 tetorit 1997 ishte paralajmërim i hershëm për lirinë

Më: 1 tetor 2022 Në ora: 16:19
Protesta e 1 tetorit 1997

Presidentja e Kosovës, Vjosa Osmani, ka përkujtuar 25 vjetorin e protestave studentore të 1 tetorit të vitit 1997, ngjarje për të cilën tha se nisi ndryshimin e historisë.

“Në krye me rektorin Ejup Statovci, studentët nisën rezistencën kundër padrejtësisë, refuzimin kundrejt dhunës dhe qëndresën kundër tiranisë”, ka thënë Osmani.

“25 vjet më parë, ata nisën ndryshimin e historisë. Protesta e 1 tetorit të vitit 1997, ishte paralajmërim i hershëm për lirinë. Zëri protestues i studentëve ishte thirrje kundër diskriminimit të shqiptarëve nga regjimi gjenocidal serb jo vetëm në fushën e arsimit. Në krye me rektorin Ejup Statovci, studentët nisën rezistencën kundër padrejtësisë, refuzimin kundrejt dhunës dhe qëndresën kundër tiranisë”, ka shkruar Osmani.

Protesta e 1 tetorit të vitit 1997 është simbolika më e fuqishme në luftën tonë për liri, tha Osmani, derisa shtoi se ajo mbetet referencë përmbajtjesore për kauzën tonë kombëtare dhe ngjarja më e shndritshme në historinë tonë më të re.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat