Mospagesa e mësimdhënësve, i shkon padia e parë Komunës së Drenasit

Aktuale

Mospagesa e mësimdhënësve, i shkon padia e parë Komunës së Drenasit

Më: 7 tetor 2022 Në ora: 12:12
Albin Kurti dhe Ramiz Lladrovci

Kreu i Komunës së Drenasit, Ramiz LLadrovci ka treguar se tashmë në adresë të komunës që drejton ka shkuar edhe padia e parë për mosekzekutimin e pagave për arsimtarët.

Ai ka thënë se rasti konkret të cilin e ka bërë edhe publik është rasti i një lehone të cilës nuk i është ekzekutuar paga.

 “Sapo u njoftova se filluan paditë e para kundër komunës së Drenasit me rastin e ndalesës së pagave ndaj mësimdhënësve edhe pse ndalesa është bërë nga Thesari i Ministrisë së Financave, mirëpo, mësimdhënësit kanë kontrata të lidhura me Komuna, e aq më keq, në rastin konkret, është ndaluar paga një lehone”, ka shkruar Lladrovci.

Ai ka thënë se është i shqetësuar nga një situatë e tillë dhe ka bërë thirrje ndaj Qeverisë që të gjej zgjidhje për ekzekutimin e pagave.

“Unë si kryetar komune po e përcjell me mjaft shqetësim një situatë të tillë, në të njëjtën kohë i bëj thirrje Qeverisë së Republikës së Kosovës, rrjedhimisht Ministrisë së Financave që të gjej zgjidhje dhe të bëj ekzekutimin e pagave për të gjithë mësimdhënësit, në të kundërtën do të kemi ngarkim të sistemit gjyqësor, rrjedhimisht dëmtim të buxhetit nga shpenzimet procedurale nëpër gjykata”, ka përfunduar Lladrovci.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat