Kurti flet sërish për marrëveshjen për targa

Aktuale

Kurti flet sërish për marrëveshjen për targa

Më: 24 nëntor 2022 Në ora: 15:12
Foto nga takimi

Kryeministri i Kosovës, Albin Kurti ka falënderuar ambasadorin amerikan, Jeff Hovenier për rolin dhe përkushtimin e tij në arritjen e marrëveshjes për targat me Serbinë.

Kurti në një postim në Twitter ka shkruar se tashmë është koha për hapa të mëdhenj përpara.

“Nuk ka kohë për ambicie të vogla, është koha për hapa të mëdhenj. Pajtueshmëria e djeshme hap rrugën për bisedime intensive për normalizimin e plotë të marrëdhënieve me Serbinë bazuar në Propozimin e BE-së të mbështetur nga Franca, Gjermania dhe ShBA-të. Mirënjohës ndaj ambasadorit amerikan në Kosovë, Jeff Hovenier për rolin, mbështetjen dhe përkushtimin e tij”, ka shkruar Kurti.

Kosova dhe Serbia të mërkurën më 23 nëntor 2022, arritën marrëveshje për targat në Bruksel.

Sipas kësaj marrëveshje Serbia do të ndalojë lëshimin e targave me emërtimet e qyteteve të Kosovës dhe në anën tjetër Kosova do të ndërpresë veprimet e mëtejshme në lidhje me riregjistrimin e automjeteve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat