Konjufca për planin franko-gjerman: Përveç dokumentit politik e kemi edhe dokumentin e zbatimit

Aktuale

Konjufca për planin franko-gjerman: Përveç dokumentit politik e kemi edhe dokumentin e zbatimit

Më: 8 dhjetor 2022 Në ora: 22:01
Glauk Konjufca

Kryetari i Kuvendit të Kosovës, Glauk Konjufca bëri të ditur, se përvec dokumentit politik të planit franko-gjerman, tashmë Kosova e ka pranuar edhe dokumentin e zbatimit të këtij plani i cili përbëhet nga disa faza.

Këtë plan, Konjufca tha se do ta diskutojnë me kryeministrin e Kosovës, Albin Kurtin, nesër (të premten).

“Plani franko-gjerman nuk ka ndryshim substancial, ndryshimet janë minore, substanciale është një plan tjetër që ka ardhë si aneks, që nuk është plani politik por i zbatimit, i zbatimit të cilin do të ulemi në detaje ta analizojmë me kryeministrin”, ka thënë ai.

“Ka ardhë një version me ndryshime të vogla, i asaj që ka thënë politiku, por diçka një krejt tjetër që është me faza zbatimi, është dokument tjetër. Nuk ka arsye për me u shqetësu, Kosova është shtet i pavarur…”, ka vijuar ai.

Në këtë plan të zbatimit, sipas Konjufcës, nuk përmendet drafti për Asociacionin e Komunave me Shumicë Serbe, por vetëm thuhet se marrëveshjet e deritanishme palët janë të obliguara t’i zbatojnë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat