Deputetja e PDK-së, Eliza Hoxha, ka reaguar ndaj një shkrimi të anëtarës së Kryesisë së VV-së, Dejona Mihali, ku kritikonte anëtarë të lartë të PDK-së dhe kritikonte protestën e mbajtur dje kundër qeverisë.
Hoxha ka shkruar në Facebook se Mihali por edhe VV-ja po shpifin, po ofendojnë.
Më tej, Hoxha ia ka kujtuar Mihalit se ajo ka ardhë kur Kosova ishte e lirë, teksa e ka pyetur se “ku ishe oj bijë "kreshnike" në të 90-tat?”
Shkrimi i plotë i saj:
Mjera unë për ty...
Lehtë është me ardhë hazër në Kosovën e lirë e me shit dushk për gogla.
Ku ishe oj bijë "kreshnike" në të 90-tat?
Apo atëkohë me fol s'ka mjaftu, por është dasht mu qu e me i grahë punës, protestës e pushkës me mbijetu.
Folni sa të doni, edhe shpifni, edhe përbuzni, edhe fyeni sepse kjo është ushqimi juaj që ju me pa vetën superior dhe të vetmjaftueshëm. (sepse në parimin e barazisë që shiteni, ju e shihni vetën më shumë të barabartë se të tjerët)
Por e kotë ka me qenë.
Sepse midis fjalës dhe punës ka një dallim të madh.
E qeverisja nuk matet me fjalë, as tash e as kur kryhet mandati.
Dil edhe ti, të shohin njerëzia. Mos hi tinza në Kuvend, qysh po të shohim herë e herë.
