Shteti suedez deklarohet për vrasjen e Liridona Murselit

Aktuale

Shteti suedez deklarohet për vrasjen e Liridona Murselit

Më: 30 nëntor 2023 Në ora: 17:54
Naim Murseli dhe gruaja e tij

Ministria e Punëve të Jashtme ka konfirmuar se gruaja e këshilltarit të Behgjet Pacollit, e cila mbeti e vrarë mbrëmë gjatë një grabitjeje, kishte nënshtetësi suedeze.

Mediat suedeze kanë marrë konfirmimin nga Ministria e Punëve të Jashtme të Suedisë sot gjatë ditës lidhur me vrasjen e gruas së Naim Murselit,  këshilltar i Behgjet Pacollit.

“Ministria e Punëve të Jashtme është në dijeni se një grua suedeze rreth të 30-ave, me origjinë nga Götaland, ka vdekur më 29 nëntor në Kosovë. Të afërmit e gruas janë njoftuar. Për sa i përket shërbimit konsullor, nuk kemi asnjë informacion shtesë për të dhënë për rastin individual”, thuhet në përgjigjen e MPJ-së suedeze për “Aftonbladet”.

Liridona Murseli, gruaja e Naim Murselit, dyshohet të ketë mbetur e vdekur  si pasojë e plagëve të marra nga arma e zjarrit të mërkurën rreth orës 20:20 në rrugën “Dalip Alshiqi” në Prishtinë.

Sipas informacioneve të para, Murseli bashkë me gruan kanë qenë në veturë, ku si pasojë e të shtënave, gruaja e tij mbeti e vdekur, kurse ai dhe fëmijët kanë shpëtuar.

Dy grabitës, njëri prej të cilëve mësohet se ka qenë i armatosur me armë zjarri, dyshohet se kanë marrë sendet me vlerë të familjes para se gruaja të qëllohej për vdekje.

comment Për komente lëvizni më poshtë
Sot mund të lexoni Shfletoni kopertinat