Bunjaku thotë se Kuvendi s’është vend për interpretim nga këngëtarët

Aktuale

Bunjaku thotë se Kuvendi s’është vend për interpretim nga këngëtarët

Më: 6 mars 2024 Në ora: 20:00
Kuvendi i Kosovës

Deputetja e Lidhjes Demokratike të Kosovës, Valentina Bunjaku, s’po e vlerëson si të duhur që në ditën e parë të “Epopesë së UÇK-së” në seancën e solemne të Kuvendit, performuan dy këngëtarët Ilir Shaqiri e Shkurte Fejza.

Ajo ndonëse thotë se i vlerëson këta dy këngëtarë, shprehet se koncernet nuk e kanë vendin në Kuvendin e Kosovës, e cili për të është “tempulli i dijës” e që në të vërtetë Kuvendi vlerësohet si tempulli i demokracisë në një republikë parlamentare.

“Ilir Shqiri është një prej këngëtarëve që më se shumti e dëgjoj, Shkurte Fejza është ikonë e muzikës shqiptare, por nuk ka qenë vendi në Kuvendin e Kosovës. Koncertet e kanë vendin në shesh, në palestra sportive në tetaro dhe jo të tempullin e dijes në Kuvendin e Kosovës”, ka thënë ajo.

Por, ajo thotë se kjo nuk është ndonjë çudi, pasi sipas saj “Kuvendi është shndërruar në cirk”.

comment Për komente lëvizni më poshtë
Sot mund të lexoni Shfletoni kopertinat