Ndeshja Itali-Shqipëri do të jetë ndeshje e qetë, pasi shërbimi parandalues i forcave të policisë gjermane ndaloi 50 tifozë italianë në Dortmund pak orë para fillimit të ndeshjes.
Sipas mediave italiane, ata kishin me vete thika, fishekzjarrë, sende të mprehta dhe donin të sulmonin mbështetësit shqiptarë.
Personat janë në paraburgim, pasi janë identifikuar pranë një restoranti, ku të veshur me kapuç, po tentonin të përlesheshin me tifozët shqiptarë.
Ata do të mbahen në paraburgim për ndoshta 24 orë, më pas do të merret vendimi nga gjyqësori vendas.
