Avokati Xhevdet Smakiqi, në “Frontal”, ka folur për rastin e Faton Hajrizit.
Ai tha se deklaratat e dy ministrive të Drejtësisë të Kosovës dhe Serbisë “kanë qenë skandaloze dhe kontradiktore”.
Smakiqi tha se Faton Hajrizi kishte bërë disa deklarata në TikTok dhe për këtë shkak të kësaj, “kjo qeveri ka pasur qasje selektive dhe diskriminuese”.
“Sikur ta lavdëronte, sa ishte gjallë, këtë pushtet, ndoshta qasja do të ishte krejt më ndryshe. Ndoshta do ta vizitonin familjen e Faton Hajrizit se ia ka borxh shteti familjes së Faton Hajrizit”, tha ai.
