Haradinaj uron për Ditën e Çlirimit: Nderim i përjetshëm për trimat e UÇK-së

Aktuale

Haradinaj uron për Ditën e Çlirimit: Nderim i përjetshëm për trimat e UÇK-së

Më: 11 qershor 2025 Në ora: 20:08
Ramush Haradinaj

Me rastin e 26-vjetorit të çlirimit, kreu i Aleancës për Ardhmërinë e Kosovës (AAK), Ramush Haradinaj, ka uruar qytetarët e Prishtinës, Kaçanikut dhe Hanit të Elezit për Ditën e Çlirimit.

Në një postim në Facebook, Haradinaj ka shprehur mirënjohje të thellë për luftëtarët e Ushtrisë Çlirimtare të Kosovës nga këto qytete dhe nga mbarë vendi, të cilët, sipas tij, me guxim dhe sakrificë sollën lirinë.

“Nderim i përjetshëm për trimat e UÇK-së nga Prishtina, Kaçaniku, Hani i Elezit e mbarë Kosova”, ka shkruar ai, duke theksuar kontributin e veprimtarëve dhe familjeve të dëshmorëve në rrugëtimin drejt lirisë.

Haradinaj ka falënderuar gjithashtu Shtetet e Bashkuara të Amerikës dhe të gjithë aleatët që mbështetën popullin e Kosovës në periudhat më të vështira të historisë së saj.

“Mirënjohës për gjithmonë ndaj atyre që qëndruan përkrah nesh”, ka shkruar Haradinaj në Facebook.

comment Për komente lëvizni më poshtë
Sot mund të lexoni Shfletoni kopertinat