Presidentja Osmani uron ditën e komunitetit egjiptian në Kosovë

Aktuale

Presidentja Osmani uron ditën e komunitetit egjiptian në Kosovë

Më: 24 qershor 2025 Në ora: 16:25
Presidentja Osmani

Me rastin e ditës së komunitetit egjiptian, Presidentja e vendit, Vjosa Osmani ka pritur sot në takim kryetarin e partisë Liberale Egjiptiane, Veton Berishën dhe përfaqësues të komunitetit egjiptian.

Presidentja Osmani uroi të gjithë qytetarët e komunitetit egjiptian për këtë ditë të veçantë dhe theksoi rëndësinë e vazhdueshme të kontributit të tyre në ndërtimin e një shoqërie demokratike, gjithëpërfshirëse dhe të barabartë.

Osmani vlerësoi rolin aktiv të komunitetit egjiptian në jetën institucionale të vendit, si dhe përkushtimin e tyre për një shoqëri më gjithëpërfshirëse dhe të barabartë për të gjithë qytetarët.

Në këtë ditë simbolike, Presidentja riafirmoi përkushtimin e institucioneve të Republikës së Kosovës për të garantuar të drejta të barabarta dhe përfshirje të plotë për të gjitha komunitetet pa dallim, si pasuri e përbashkët e shtetit tonë. 

comment Për komente lëvizni më poshtë
Sot mund të lexoni Shfletoni kopertinat