Abdixhiku: Për Klinë, Malishevë, Kaçanik e Kamenicë kandidatët do të dihen ditëve në vazhdim

Aktuale

Abdixhiku: Për Klinë, Malishevë, Kaçanik e Kamenicë kandidatët do të dihen ditëve në vazhdim

Më: 10 korrik 2025 Në ora: 17:27
Foto ilustrim

Lidhja Demokratike e Kosovës, sot e ka mbajtur mbledhjen e kryesisë ku i ka zyrtarizuar shumicën e kandidaturave për kryetar të komunave.

Pas mbledhjes, kryetari Lumir Abdixhiku, e ka mbajtur një konferencë për media ku ka thënë se për katër komuna, kandidatët do të dihen ditëve në vazhdim.

“Për katër komunat e mbetura: Klinë, Malishevë, Kaçanik dhe Kamenicë, gjatë ditëve në vazhdim do të zyrtarizohen kandidaturat. Jemi në diskutimet e fundit procedurale, asgjë më shumë se kaq”, deklaroi ai para mediave.

Abdixhiku njoftoi se edhe listat prej 990 kandidatësh për Asamble Komunale të LDK-së do të finalizohen deri më datën 13 gusht.

Zgjedhjet lokale në Kosovës do të mbahen më 12 tetor.

comment Për komente lëvizni më poshtë
Sot mund të lexoni Shfletoni kopertinat