SHBA-ja pezullon dialogun e planifikuar strategjik me Kosovën

Aktuale

SHBA-ja pezullon dialogun e planifikuar strategjik me Kosovën

Nga: B.S. Më: 12 shtator 2025 Në ora: 14:24
Ambasada e Shteteve të Bashkuara

Ambasada e Shteteve të Bashkuara në Prishtinë njoftoi sot se ka pezulluar pa afat Dialogun Strategjik me Kosovën, i planifikuar për këtë vit.

Arsyeja, sipas njoftimit, janë veprimet e fundit të qeverisë që kanë rritur tensionet dhe paqëndrueshmërinë, duke kufizuar mundësinë e SHBA-së për të punuar produktivisht me Kosovën në prioritetet e përbashkëta.

Në deklaratë theksohet se marrëdhënia me Kosovën bazohet në forcimin e paqes, stabilitetit dhe prosperitetit ekonomik. Megjithatë, sipas Ambasadës, deklaratat e fundit të kryeministrit Albin Kurti kanë paraqitur sfida serioze për progresin e arritur ndër vite.

“Dialogu strategjik kishte për qëllim forcimin e lidhjeve ekonomike dhe diplomatike me dobi të ndërsjellë për popullin amerikan dhe atë kosovar.

Shpresojmë që përpjekje të tilla në të ardhmen të jenë të përshtatshme,” thuhet në reagimin e Ambasadës së SHBA-së në Prishtinë. / BS

comment Për komente lëvizni më poshtë
Sot mund të lexoni Shfletoni kopertinat