LIVE: Nis rinumërimi i votave në këto tri komuna – KQZ jep detajet e fundit

Aktuale

LIVE: Nis rinumërimi i votave në këto tri komuna – KQZ jep detajet e fundit

Më: 12 tetor 2025 Në ora: 07:19 Përditësuar në ora: 17:50 më 13.10.2025
Kutitë e votimit në një qendër në Prishtinë

​Bie sistemi, shtyhet procesi i numërimit tëvotave për asamble në Prishtinë

Në sallën “1 Tetori” ende nuk ka nisur procesi i numërimit të votave të kandidatëve për asamble komunale në kryeqytet.

Kjo për shkak të rënies së sistemit, thonë burime të KP.

Numërimi ishte paraparë të fillojë në orën 16:00, por ende nuk dihet se kur mund të rregullohet problemi dhe të nisë procesi i numërimit.  

Rezultatet e para: 21 komuna zgjedhin kryetarët, 17 shkojnë në balotazh

Qytetarët në 38 komunat e Kosovës votuan më 12 tetor për të zgjedhur kryetarët e rinj dhe përbërjet e reja komunale.

Votimet u zhvilluan pa ndonjë incident të madh.

Në bazë të numërimit të deritanishëm të votave, në 21 komuna qytetarët kanë zgjedhur qysh në rundin e parë krerët e komunave, ndërkaq në 17 të tjerat do të zhvillohet rundi i balotazhit.

Prishtina, kryeqendra e Kosovës, është në mesin e komunave që do të shkojë në balotazh, kur do të përballen LDK-ja dhe LVV-ja.

Në rundin e parë, LVV-ja dhe PDK-ja fituan në tre komuna, LDK-ja në dy, AAK-ja dhe Nisma e kanë fituar nga një komunë, sikurse edhe Ramiz Lladrovci me listën e tij në Drenas.

Ndërsa, në balotazh, kutive do të votimit do t’i drejtohen qytetarët e Mitrovicës së Jugut, Prishtinës, Vushtrrisë, Gjakovës, Gjilanit, Dragashit, Kaçanikut, Klinës, Fushë Kosovës, Obliqit, Rahovecit, Pejës, Prizrenit, Suharekës, Vitisë, Junikut, Kllokotit.

Kurse, komunat që arritën në rundin e parë të zgjedhin kryetarë shqiptarë janë Podujeva, Ferizaj, Skenderaj, Hani i Elezit, Istogu, Lipjani, Shtimja, Kamenica dhe Deçani.

KQZ-ja tha se pret që brenda javës të përmbyllë numërimin e të gjitha votave, përkatësisht të asamblistëve, votave me kusht, të personave me nevoja të veçanta dhe me postë.

Lladrovci ‘trondit’ PDK-në, fiton pa balotazh në Drenas

Nga: A.M.

Drenasi nuk shkon në balotazh.

Ramiz Lladrovci ka fituar bindshëm në garë për kryetar, ku mori 52,31 për qind të votave.

Kurse, kundërkandidati i tij nga radhët e PDK-së, Petrit Hajdari mori vetëm 37,31 për qind të votave, përcjell “Bota sot”.

Kjo është një goditje për PDK-në, pasi Drenasi njihej si një bastion i kësaj partie.

Megjithatë, kjo ndryshoi pasi kryesia e kësaj partie larguan Lladrovcin nga gara komunale.

Sondazhet gabuan: PDK e LVV ‘kokë më kokë’ në Mitrovicë – gara shkon në balotazh

Nga: A.M.

Përfundimisht Mitrovica shkoi në balotazh, ndonëse të gjitha sondazhet e vendosën kandidatin e PDK-së fitues me mbi 50 për qind.

Diferenca mes PDK-së dhe LVV-së është vetëm 28 vota, përcjell “Bota sot”.

I pari u radhti, Arian Tahiri nga PDK me 15368 vota ose 47,89 për qind.

Kurse, kandidati i LVV-së, Faton peci mori 12340 vota ose 47,80 për qind.

Kjo pritet të jetë edhe një nga garat në interesante në balotzhin që do mbahet me 9 nëntor.

Garë e ngushtë në Prishtinë, Rama e Çeku drejt balotazhit

Nga: A.M.

Komisioni Qendror i Zgjedhjeve po vazhdon me numërimin e votave në Prishtinë, ku deri tani janë numëruar 92,16 për qind.

I pari po prin Përparim Rama i LDK-së me 33.94 për qind, apo 32435 vota.

Kurse i dyti është Hajrulla Çeko i VV-së me 31398 vota apo 32.85 për qind, transmeton "Bota sot".

I treti, sipas publikimit të votave të para është Uran Ismaili me 26567 vota apo 27.80 për qind.

LDK drejt fitores pa balotazh në Istog

Nga: A.M.

Komuna e radhës, që nuk do të shkojë në balotazh, pritet të jetë Istogu.

Nga votat e numëruar nga KQZ deri tani, doli që Ilir Ferati i LDK-së mori shumicën e votave.

Ferati mori gjithsej 58,78 për qind të votave, përcjell “Bota sot”.

Ndërsa, kundërkandidati i tij nga PDK, Ali Nimanaj mori 22,11 për qind, Astrit Bujupaj nga LVV 13,53 për qind dhe Ukë Blakaj nga AAK 5,58 për qind.

Kreu i KQZ-së: Besojmë se brenda javës do të përfundojë procesi i numërimit të votave

Kreu i Komisionit Qendror të Zgjedhjeve, Kreshnik Radoniqi, tha se beson që procesi i numërimit të votave për rundin e parë të zgjedhjeve lokale do të kryhet brenda javës.

Në një konferencë për media, ai njoftoi se nesër, nga ora 12:00, dhe në disa vende edhe në orën 16:00, Qendra komunale të numërimit do të nisin numërimin e votave për kuvendet komunale në 38 komuna.

Radoniqi tha se pret që ky proces të përmbyllet brenda “dy-tre ditësh” dhe më pas të vazhdohet me numërimin e votave me kusht, të personave me nevoja të veçanta dhe nga diaspora.

“Besojmë fuqishëm që brenda kësaj jave do të përfundojë procesi i numërimit”, tha ai.

Aleanca Shqiptare e dyta, Lista Serbe fiton pa balotazh në Graçanicë

Nga: A.M.

Nga rezultatet e publikuara të KQZ, konfirmohet se Graçanica nuk do shkojë në balotazh.

Në këtë komunë, Lista Serbe ka marrë 62,54 për qind të votave, përcjell “Bota sot”.

Kurse, Aleanca Shqiptare e Leutrim Ajetit ka marrë 23,15 për qind të votave.

Kujtojmë se në këtë komunë, të gjitha partitë shqiptare u bën bashkë dhe u përfaqësuan nga Ajeti.

Deçani pa balotazh, fiton AAK

Nga: A.M.

Pas përfundimit të votave nga KQZ u konfirmua se Deçani nuk do përballet me balotazh.

Kjo pasi që, Bashkim Ramosaj i AAK ka marrë 51,57 për qind të votave apo 7866 vota.

Ai la pas Jeton Mushkolajn e LDK-së me 3222 vota apo 21,12 për qind, përcjell “Bota sot”.

Ndërsa, kandidatja e zëshme Natyra Kuçi nga PSD mori 11,73 për qind të votave.

Kush po prin nëpër komuna?

Me shumicën e votave të numëruara për zgjedhjet e 12 tetorit, del se Lidhja Demokratike e Kosovës dhe Partia Demokratike e Kosovës janë duke kryesuar në garën për udhëheqje komunash.

Në disa vazhdojnë të udhëheqin partitë që tradicionalisht kanë fituar, në disa tjera ka befasi.

Lista Serbe, partia kryesore e serbëve në Kosovë, i ka fituar zgjedhjet në komunat veriore: Mitrovicë e Veriut, Zveçan, Leposaviq dhe Zubin Potok. Dalja në këto zgjedhje ka qenë 39 për qind.

Sipas të dhënave të KQZ-së, të drejtë vote kanë pasur 2.069.098 qytetarë.

Rreth 44.000 prej tyre kanë mundur të votojnë me postë nga jashtë vendit në periudhën 17 shtator – 11 tetor.

Procesi është zhvilluar i qetë, pa ndonjë incident të madh.

comment Për komente lëvizni më poshtë
Sot mund të lexoni Shfletoni kopertinat