Sveçla: Kosova e përkushtuar për të qenë partner i besueshëm në siguri

Aktuale

Sveçla: Kosova e përkushtuar për të qenë partner i besueshëm në siguri

Më: 15 tetor 2025 Në ora: 20:55
Ministri në detyrë i Punëve të Brendshme, Xhelal Sveçla, gjatë vizitës zyrtare në Londër, është takuar me Drejtorin e Përgjithshëm të Agjencisë Kombëtare të Krimit të Mbretërisë së Bashkuar (NCA), Graeme Biggar

Ministri në detyrë i Punëve të Brendshme, Xhelal Sveçla, gjatë vizitës zyrtare në Londër, është takuar me Drejtorin e Përgjithshëm të Agjencisë Kombëtare të Krimit të Mbretërisë së Bashkuar (NCA), Graeme Biggar, me të cilin diskutoi për bashkëpunimin e ndërsjellë në luftimin e krimit të organizuar, trafikimit të qenieve njerëzore, financimit të terrorizmit dhe kërcënimeve të tjera që cenojnë sigurinë tonë të përbashkët.

“U dakorduam për intensifikimin e bashkëpunimit ndërinstitucional, shkëmbimin e informacioneve dhe ndërtimin e kapaciteteve profesionale në fushën e sigurisë.

Republika e Kosovës mbetet e përkushtuar për të qenë partner i besueshëm në arenën ndërkombëtare të sigurisë dhe për të ndërtuar institucione të forta, të qëndrueshme dhe profesionale në bashkëpunim me aleatët tanë”,
shkroi Sveçla në ‘Facebook’.

comment Për komente lëvizni më poshtë
Sot mund të lexoni Shfletoni kopertinat