Kapiten Kreshnik Dreshaj ka diplomuar në Kursin e Karrierës së Kapitenëve në Inxhinieri Ushtarake në Fort Leonard Wood të Shteteve të Bashkuara të Amerikës, raporton KosovaPress.
Trajnimi kishte për fokus përgatitjen e liderëve të rinj për planifikim, udhëheqje e drejtim të operacioneve të inxhinierisë ushtarake.
FSK po ngrit kapacitetet profesionale me ndihmën e partnerëve dhe me standardet më të larta të vendeve të NATO-s.
Ajo mbron sovranitetin dhe integritetin territorial, qytetarët, pronën dhe interesat e Kosovës. Është forcë ushtarake multietnike, profesionale, e armatosur dhe e autorizuar për të shërbyer në vend dhe jashtë vendit, në pajtim me kompetencat e dhëna kushtetuese dhe ligjore.