Në Kllokot po vazhdon votimi

Aktuale

Në Kllokot po vazhdon votimi

Më: 9 nëntor 2025 Në ora: 12:58
Foto ilustrim

Vendet e votimit në komunën e Kllokotit, ku po mbahet raundi i dytë i zgjedhjeve lokale, u hapën në kohë, sot në orën 7:00 të mëngjesit.

E drejta e votës në këtë komunë ka 4,181 votues, të shpërndarë në pesë qendra votimi ku ndodhen nëntë vendvotime.

Qendra e votimit në Vërbovc, ku votohet në dy vendvotime, u hap sot në orën 7:00 të mëngjesit, dhe të drejtën e votës këtu e kanë 1,015 qytetarë të Vërbovcit dhe Grnçarit.

Votuesit e parë e ushtruan të drejtën e tyre menjëherë pas hapjes së qendrës së votimit, ndërsa deri në orën 11:00, sipas fjalëve të menaxherit të qendrës, kishin votuar rreth 15 për qind e qytetarëve.

Qytetarët thonë për RTK2 se pas zgjedhjeve kryesisht presin kushte më të mira jetese në aspektin ekonomik dhe infrastrukturor.

comment Për komente lëvizni më poshtë
Sot mund të lexoni Shfletoni kopertinat