Arben Gashi kundër shpifjeve: Fetah Rudi simbol i fjalës së lirë

Aktuale

Arben Gashi kundër shpifjeve: Fetah Rudi simbol i fjalës së lirë

Nga: A.SH Më: 2 dhjetor 2025 Në ora: 19:08
Arben Gashi

Ish-deputeti i LDK-së, Arben Gashi, ka reaguar ndaj shpifjeve në rrjetet sociale, duke mbrojtur deputetin Fetah Rudi si “hero i demokracisë dhe i fjalës së lirë”.

Gashi përmendi një debat të tensionuar në Kuvend në vitin 2020 për krimet e luftës dhe të pasluftës, ku u shfaqën përplasje fizike mes deputetëve të LDK-së dhe VV-së.

Ai theksoi se Rudi kishte të drejtë të fliste, ndërsa Gashi e konsideroi shpifjen si “vrasje e dytë”.

Postimi i plotë:

Po shoh në rrjetet sociale që shpifjet vazhdojnë, por ta dini se nuk më ndalni dot.

Po ua them qysh në krye të herës: Fetah Rudi është hero i demokracisë dhe i fjalës së lirë.

Ngjarja për të cilën flas është e vitit 2020 dhe lidhet me një debat të ashpër në Kuvendin e Republikës, kur po trajtoheshin krimet e luftës dhe të pasluftës. Tensionet ishin të larta, nuk lejohej as zëvendëskryeministri Selmanaj të merrte fjalën, dhe situata u agravua deri në përplasje fizike mes deputetëve të LDK-së dhe VV-së – ndërkohë që kryetari i grupit të VV-së sapo ishte dërguar në Hagë.

Në atë moment tensioni, në shenjë solidariteti me grupin, Deputeti Fetah Rudi më tha: “A të flas dëshminë time?”

Iu përgjigja qartë: “Ti mund të flasësh sa herë të duash dhe çka të duash, por tani jemi duke u përballur me këtë sfidë. Kjo është betejë që ne duhet ta bëjmë për ty. Ti ke 20 vite që lufton.”

Kaq ishte e tëra. Pastaj vazhdoi përplasja, deri edhe fizike.

E për shpifjet – dijeni mirë: shpifja është vrasja e dytë.

Dhe gjaku i njerëzve të pafajshëm ka me ju zënë.

Kurrë hajër s’keni me pa.

comment Për komente lëvizni më poshtë
Sot mund të lexoni Shfletoni kopertinat