Biznesmeni dhe veprimtari shqiptaro-amerikan Harry Bajraktari ka reaguar me një mesazh për Vitin e Ri 2026, duke theksuar aspiratën madhore të shqiptarëve për anëtarësimin e Kosovës në NATO.
Në reagimin e tij nw Facebook, Bajraktari nënvizon rëndësinë e unitetit kombëtar, forcimit të demokracisë dhe lidhjeve strategjike me Shtetet e Bashkuara të Amerikës, duke e cilësuar integrimin euroatlantik të Kosovës si një hap vendimtar për sigurinë dhe stabilitetin afatgjatë të shqiptarëve në Ballkan, përcjell “Bota sot”.
Shkrimi i plotë
Kosova në NATO - Dëshira e çdo shqiptari për Vitin e Ri 2026
Ky Vit i Ri e gjen kombin shqiptar në një moment të rëndësishëm, me mundësi historike
Në Shqipëri dhe Kosovë duhet të vazhdojmë të punojmë për forcimin e demokracisë, zhvillimin ekonomik, mirëqenien e qytetarëve dhe forcimin e pozitës sonë ndërkombëtare, duke ruajtur unitetin, vlerat tona kombëtare dhe lidhjet e forta me Shtetet e Bashkuara të Amerikës 🇺🇸🇺🇸
Është dëshirë dhe ëndërr e çdo shqiptari që këtë vit Kosova të anëtarësohet në NATO, ashtu si Shqipëria, Maqedonia e Veriut dhe Mali i Zi. Ky hap do të garantonte përgjithmonë sigurinë e shqiptarëve në Ballkan. Andaj, në këtë fillim viti, u bëj thirrje të gjithë shqiptarëve që të punojmë së bashku drejt arritjes së këtij synimi madhor.