“Plani i dështuar i Lumir Abdixhikut”

Aktuale

“Plani i dështuar i Lumir Abdixhikut”

Nga: A.SH Më: 6 janar 2026 Në ora: 22:02
Lumir Abdixhiku dhe Baton Haxhiu

Aktivistja Nora Katanolli, ka reaguar ashpër ndaj asaj që e quan “plan i dështuar” dhe të rrezikshëm të Lumir Abdixhikut, duke pretenduar se për vite me radhë ka ekzistuar një ide politike për degradimin e qëllimshëm të shëndetësisë publike në Kosovë.

Sipas saj, Qendra Klinike Universitare e Kosovës (QKUK) është lënë pa investime dhe modernizim për të justifikuar dobësimin e saj institucional, në favor të interesave private dhe projekteve ndërtimore, duke përmendur edhe përfshirjen e grupeve të fuqishme ekonomike.

Katanolli thekson se paralelisht është promovuar modeli i mbështetjes në spitale private, duke e kthyer shëndetin nga e drejtë kushtetuese në mall tregu, gjë që, sipas saj, rrezikon barazinë sociale dhe vetë funksionimin e shtetit

Ajo nënvizon se mbrojtja e QKUK-së dhe e shëndetësisë publike nuk është çështje partie, por çështje ekzistence shtetërore.

Shkrimi i plotë:

Plani i dështuar i Lumir Abdixhikut

Plani i zbuluar i krimit neoserb ndaj shëndetësisë publike në Kosovë

A e dini se për vite me radhë është diskutuar një plan i rrezikshëm politik, që sipas kritikëve të tij synonte ta linte Kosovën pa shtyllën kryesore të shëndetësisë publike?

A e dini se në qarqe të caktuara politike është përfolur ideja që Qendra Klinike Universitare e Kosovës (QKUK) të degradohej qëllimisht, të lihej pa investime, pa modernizim, pa dinjitet – në mënyrë që të justifikohej shkatërrimi i saj institucional?

Sipas këtyre kritikëve, QKUK nuk shihej si aset publik për t’u zhvilluar, por si hapësirë strategjike për interesa ndërtimore, ku përmendeshin edhe projekte të ndërtesave të larta dhe përfshirja e oligarkëve të fuqishëm ekonomikë, përfshirë grupet e njohura biznesore si Devollët – jo për shëndetin e qytetarëve, por për fitime private.

A e dini se paralelisht me këtë, është promovuar koncepti që Kosova të mbështetet kryesisht në spitale private, duke e kthyer shëndetin nga e drejtë kushtetuese në mall tregu?

Ky model:

do ta përjashtonte qytetarin e varfër,

do ta shndërronte pacientin në klient,

dhe do ta bënte jetën të varur nga karta bankare, jo nga nevoja mjekësore.

Për shumë analistë, ky nuk është thjesht keqmenaxhim – por logjikë neoserbe e shtetit të dobët, ku institucionet publike shkatërrohen për t’u zëvendësuar me interesa private, duke e zhveshur shtetin nga sovraniteti social.

Nëse shkatërron shëndetësinë publike:

shkatërron barazinë,

shkatërron sigurinë sociale,

shkatërron vetë idenë e shtetit.

Prandaj, mbrojtja e QKUK-së dhe e shëndetësisë publike nuk është çështje partie, por çështje ekzistence shtetërore.

comment Për komente lëvizni më poshtë
Sot mund të lexoni Shfletoni kopertinat