Osmani solidarizohet me popullin e Spanjës pas aksidentit tragjik hekurudhor

Aktuale

Osmani solidarizohet me popullin e Spanjës pas aksidentit tragjik hekurudhor

Më: 19 janar 2026 Në ora: 11:02
Vjosa Osmani

Presidentja Vjosa Osmani ka shprehur ngushëllimet dhe është solidarizuar me popullin e Spanjës, pas një aksidenti të rëndë mes trenave, ku mbetën të vdekur së paku 39 persona.

Përmes një postimi në X, Osmani uroi shërim të shpejtë për të gjithë të lënduarit.

“Lajm i dhimbshëm nga Spanja jugore pas një aksidenti tragjik hekurudhor që ka marrë shumë jetë dhe ka lënë shumë të tjerë të plagosur”.

“Ngushëllimet tona të sinqerta për familjet që kanë humbur të dashurit e tyre dhe urimet tona për shërim të shpejtë të të gjithë të lënduarve. Kosova solidarizohet me popullin e Spanjës në këtë kohë të vështirë”, ka shkruar e para e vendit.

comment Për komente lëvizni më poshtë
Sot mund të lexoni Shfletoni kopertinat