Kryetari i PDK-së, Bedri Hamza, ka thënë se mospërputhjet e zbuluara gjatë rinumërimit të pjesshëm të votave janë tepër shqetësuese.
Ai thekson se rinumërimi i plotë në të gjithë Kosovën është i domosdoshëm dhe kërkon nga institucionet të veprojnë menjëherë për të mbrojtur integritetin e zgjedhjeve, duke paralajmëruar se çdo vonesë cenon besimin qytetar.
Postimi i Hamzës:
Janë tepër shqetësuese mospërputhjet e mëdha të zbuluara gjatë rinumërimit të pjesshëm të votave. Në këto rrethana të krijuara, si Kryetar i PDK-së vlerësoj se rinumërimi i plotë i votave në të gjithë Kosovën është hap i domosdoshëm dhe i drejtë.
Institucionet përgjegjëse e kanë obligim kushtetues të veprojnë menjëherë për ta mbrojtur integritetin e procesit zgjedhor.
Çdo vonesë apo hezitim është cenim i drejtpërdrejtë i besimit qytetar.