Prokuroria Speciale flet rreth intervistimit të Shkëlzen Gashit

Aktuale

Prokuroria Speciale flet rreth intervistimit të Shkëlzen Gashit

Më: 30 mars 2026 Në ora: 19:54
Shkëlzen Gashi

Prokuroria Speciale e Republikës së Kosovës ka njoftuar për veprimet që ka ndërmarrë rreth hetimeve për ekspozitën “Masakrat në Kosovë 1998–1999” në sheshin “Nënë Tereza”, në Prishtinë.

Përmes një komunikate për media, kjo prokurori ka bërë të ditur se në kuadër të hetimeve, është intervistuar autori dhe organizatori i kësaj ekspozite, Shkëlzen Gashi, nën dyshimin për veprën penale “Nxitja e përçarjes dhe mosdurimit”.

“Gjithashtu, në vendbanimin e të dyshuarit, është realizuar një urdhër kontrolli nga hetuesit e Departamentit për Krime të Rënda, me qëllim sigurimin e provave relevante për hetimin”, thuhet  në njoftim.

Rasti është duke u trajtuar në procedurë të rregullt hetimore.

comment Për komente lëvizni më poshtë
Sot mund të lexoni Shfletoni kopertinat