​Kurti në veri të Mitrovicës, përurohet objekti i ATK-së

Aktuale

​Kurti në veri të Mitrovicës, përurohet objekti i ATK-së

Më: 8 prill 2026 Në ora: 10:57
Foto nga vendi i ngjarjes

Është përuruar objekti i ri i Administratës Tatimore të Kosovës në veri të Mitrovicës, një zhvillim i rëndësishëm për forcimin e pranisë institucionale dhe ofrimin e shërbimeve më të afërta për qytetarët dhe bizneset e kësaj zone.

Në ceremoninë e përurimit po merr pjesë edhe kryeministri Albin Kurti, së bashku me zyrtarë të tjerë qeveritarë dhe përfaqësues institucionalë.

Gjatë kësaj ngjarjeje pritet të theksohet rëndësia e funksionalizimit të këtij objekti për rritjen e transparencës, përmirësimin e mbledhjes së të hyrave dhe avancimin e sundimit të ligjit në veri të vendit.

Ky investim konsiderohet si një hap i rëndësishëm drejt integrimit më të plotë institucional dhe zhvillimit ekonomik të rajonit, duke ofruar kushte më të mira pune për stafin dhe shërbime më efikase për tatimpaguesit.

comment Për komente lëvizni më poshtë
Sot mund të lexoni Shfletoni kopertinat