Mblidhet Kryesia e Kuvendit, cakton rendin e ditës për seancën plenare

Aktuale

Mblidhet Kryesia e Kuvendit, cakton rendin e ditës për seancën plenare

Më: 23 prill 2026 Në ora: 08:29
Kryesia e Kuvendit

Kryesia e Kuvendit të Kosovës pritet të mblidhet sot në orën 09:00 për mbledhjen e radhës.

Në këtë takim fillimisht do të miratohet procesverbali i mbledhjes së kaluar, ndërsa më pas do të shqyrtohet rendi i ditës për seancën plenare të ardhshme.

Në fokus të diskutimeve pritet të jenë disa çështje të rëndësishme, përfshirë Projektligjin për anëtarësimin e Kosovës në Bordin e Paqes, ratifikimin e marrëveshjes me Shqipërinë për organizimin e Lojërave Mesdhetare “Prishtina 2030”, si dhe projektligjet për Energjinë, Energjinë Elektrike dhe Inspektoratin Qendror të Trashëgimisë Kulturore.

Gjithashtu, në rend dite janë edhe emërimi i tre anëtarëve në Këshillin Shtetëror të Cilësisë në Agjencinë e Kosovës për Akreditim, si dhe formimi i Komisionit për Provimin e Jurisprudencës.

Në fund, Kryesia pritet të trajtojë edhe kërkesa dhe propozime të ndryshme.

comment Për komente lëvizni më poshtë
Sot mund të lexoni Shfletoni kopertinat