Hamza takon ambasadorin gjerman

Aktuale

Hamza takon ambasadorin gjerman

Më: 22 maj 2026 Në ora: 15:34
Rainer Rudolph, Bedri Hamza

Kryetari i Partisë Demokratike të Kosovës, Bedri Hamza, ka pritur në takim ambasadorin e Gjermanisë në Kosovë, Rainer Rudolph, me të cilin tha se kanë diskutuar për zhvillimet politike në vend dhe për procesin zgjedhor të 7 qershorit.

Hamza tha se në takim ka shprehur shqetësimin për sfidat me të cilat po përballen qytetarët si pasojë e krizave të vazhdueshme dhe stagnimit ekonomik, si dhe për nevojën që Kosova të rikthejë stabilitetin, besimin dhe perspektivën zhvillimore.

“Mirëprita sot në selinë e PDK-së edhe ambasadorin e Gjermanisë në Kosovë, Rainer Rudolph, me të cilin zhvilluam një bisedë të hapur për zhvillimet politike në vend dhe për procesin zgjedhor të 7 qershorit.

Shpreha shqetësimin tim për sfidat me të cilat po përballen qytetarët tanë si pasojë e krizave të vazhdueshme dhe stagnimit ekonomik, si dhe për nevojën që Kosova të rikthejë stabilitetin, besimin dhe perspektivën zhvillimore.

Rikonfirmova angazhimin e Partisë Demokratike të Kosovës për zgjedhje të lira dhe demokratike.

E falënderova ambasadorin Rudolph për mbështetjen e vazhdueshme që Gjermania i ka dhënë Kosovës në proceset shtetformuese”, ka shkruar kreu i PDK-së në Facebook.

comment Për komente lëvizni më poshtë
Sot mund të lexoni Shfletoni kopertinat