Vranësira dhe reshje shiu në gjithë Kosovën, temperaturat deri në 13 gradë Celsius

Aktuale

Vranësira dhe reshje shiu në gjithë Kosovën, temperaturat deri në 13 gradë Celsius

Më: 16 nëntor 2026 Në ora: 07:22
Ilustrim

Moti në Kosovë gjatë ditës së sotme do të karakterizohet nga vranësira të shumta dhe reshje shiu, të cilat pritet të përfshijnë pjesë të ndryshme të vendit.

Sipas parashikimit të Institutit Hidrometeorologjik të Kosovës, temperaturat do të mbeten relativisht të ulëta, me minimale që do të lëvizin nga 3 deri në 7 gradë Celsius, ndërsa maksimalet pritet të arrijnë nga 8 deri në 13 gradë Celsius.

Edhe era do të jetë e pranishme gjatë ditës, duke fryrë nga drejtimi i veriperëndimit me shpejtësi prej 1 deri në 5 metra për sekondë.

Kushtet e motit do të jenë kryesisht të paqëndrueshme, ndaj qytetarëve u rekomandohet të kenë parasysh reshjet gjatë planifikimit të aktiviteteve të tyre ditore.

Sot mund të lexoni Shfletoni kopertinat