Klubi i basketbollit Peja mobilizohet deri në pikën e fundit dhe kërkon fitore kundër Sigal Prishtinës, në kuadër të ndeshjes së parë të çerekfinales së Play-Off-it.
“Dashamirë të basketbollit, emocionet e zjarrta po afrohen, rivalët e vjetër njëherit edhe skuadrat të cilat ndryshuan basketbollin në Kosovës ballafaqohen në Play-Off.
Ndeshja e parë zhvillohet nesër (18.04.2021) në "Karagaç" duke filluar nga ora 17:00.
Duke mos injoruar asnjëherë kualitetet e ekipit kundërshtar jemi më të motivuar se asnjëherë më parë për të sjell trofe në fole.
Jemi të bindur se përkrahja dhe dashuria nga shtëpitë e juaja nuk do mungojë, jemi në ketë rrugë së bashku deri në fund.
Për ty, Pejë”, shkruan në faqen e KB Peja.
