​Fitore dramatike e Prishtinës kundër Rahovecit

Basketboll

​Fitore dramatike e Prishtinës kundër Rahovecit

Më: 9 tetor 2021 Në ora: 21:16
Sigal Prishtina

Sigal Prishtina ka shënuar fitore ndaj Rahovecit me rezultat 86:83 (17:13, 16:26, 25:26, 28:18), në kuadër të javës së pestë të Art Motion Superligës së Kosovës në basketboll.

Fillimi i ndeshjes ishte i barabartë, ndërsa vendasit në çerekun e parë për një nuancë ishin më të mirë, duke e fituar këtë pjesë 17:13. Bardhekaltrit kishin epërsi 21:14, por më pas rikthehen mysafirët duke kaluar në epërsi 21:24, e më pas zhvillohet lojë kryesisht e barabartë, derisa pjesa e parë përfundon 33:39.

Vreshtarët vazhduan me lojë të mirë në pjesën e dytë, përkatësisht periodën e tretë, duke pasur epërsi deri në dhjetë pikë, 42:52, ndërsa rezultati në semafor pas 30 minutash ishte 58:65. Por, Prishtina nuk dorëzohet dhe me një seri të suksesshme barazon shifrat në 78:78, e më kalon në epërsi 80:78, e më pas zhvillohet një lojë dramatike, kur Dachon Burke i Prishtinës në sekondat e fundit shënoi për 76:73.

Te Sigal Prishtina u dallua Dachon Burke me 33 pikë e shtatë kërcime, kurse te Rahoveci u dalluan Nick Banyard me 30 pikë e dhjetë kërcime, Milik Yarbrough me 21 pikë e shtatë kërcime dhe Altin Morina me 11 pikë e 12 kërcime.

Sigal Prishtina ka tri fitore dhe dy humbje, kurse Rahoveci një fitore dhe katër humbje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat