Flamurtari gjen fitoren e parë

Basketboll

Flamurtari gjen fitoren e parë

Më: 23 tetor 2021 Në ora: 23:16
Flamurtari gjen fitoren e parë

Janë luajtur sot ndeshjet e javës së dytë të Kampionatit Kombëtar të femrave në basketboll.

Kampionet e Flamurtarit arrijnë fitoren e parë në kampionat, duke mundur thellë 74-32 Vllazninë në Shkodër. Një ndeshje që u kthye në një stërvitore për vlonjatet, ndjeshëm më superior në parket.

Pa probleme fiton edhe Partizani, që mundi 93-61 Tirana Barleti Basket. Ky është suksesi i dytë për vajzat e kuqe, që udhëheqin renditjen me 4 pikë të plota.

Po 4 pikë ka edhe Studenti, që mundi me lehtësi në “Asllan Rusi” elbasanin me rezultatin 84-43. Një start i mirë i kampionatit ky për Studentin. Ndërsa Tirana triumfoi me lehtësi 100-39 ndaj Apolonisë, tjetër ndeshje ku diferencat mes dy skuadrave në parket ishin të mëdha.

Kategoria e Parë Femra, java e 2-të

Studenti – Elbasani, 84-43

Vllaznia – Flamurtari, 32-74

Tirana Barleti Basket – Partizani, 61-93

Tirana – Apolonia, 100-39

Renditja: Partizani 4 pikë, Tirana 4 pikë, Studenti 4 pikë, Elbasani 3 pikë, Flamurtari 3 pikë, Apolonia 2 pikë, Tirana Barleti Basket 2 pikë, Vllaznia 2 pikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat