Flamurtari ka shënuar fitore në udhëtim ndaj Partizanit me rezultat 65:84 (22:21, 10:23, 15:19, 18:21), në xhiron e dytë të Ligës Unike.
Fillimi i ndeshjes ishte interesant dhe i baraspeshuar, por me kalimin e minutave, vashat nga Tirana u shkëputen në 22:15, megjithatë, mysafiret rikthehen shpejt dhe çereku i parë përfundon 22:21. Vlonjatet vazhduan me lojë të mirë, ku ishin shumë më të mira në periudhën e dytë, duke e arritur epërsinë më të lartë në 28:44, ndërsa pjesa e parë përfundon me rezultat 32:44.
Skuadra nga Vlora vazhdoi me lojë të mirë edhe në periodën e tretë, ku epërsinë më të lartë e kishte 34:52, e më pas zhvillohet lojë e barabartë, kurse shifrat në semafor pas 30 minutash ishin 47:63. Flamurtari menaxhoi epërsinë dhe kontrolloi lojën në 10 minutat e fundit, duke triumfuar me rezultat 65:84. Partizani ka dy humbje në dy ndeshje, kurse Flamurtari një fitore dhe një humbje.
Te Partizani u dallua Dajana Baraj me 27 pikë e gjashtë asistime, kurse te Flamurtari u dalluan Laura Johnson me 25 pikë e 11 kërcime dhe Samra Omerbasiq me 26 pikë e 16 kërcime.
