Flamurtari kampion i ri

Basketboll

Flamurtari kampion i ri

Më: 15 maj 2022 Në ora: 19:34
Flamurtari kampion i ri

Flamurtari i Vlorës në basketboll për femra është shpallur mbrëmjen e sotme kampion i Shqipërisë për sezonin 2021-2022. Vlonjatet fituan në fushën e tyre 94-58 ndaj Tiranës, duke fituar 3-0 serinë e finaleve play off, duke u shpallur kampione për të 24-tën herë në histori.

Ky është titulli i 14-të për Flamurtarin në 17 vitet e fundit, çka tregon për një dominim absolut të skuadrës vlonjate në basketbollin e femrave. Ky është titulli i parë që vlonjatet marrin pa trajnerin e tyre Viron Toska, ndaj dhe skuadra ia ka dedikuar atij këtë trofe.

Ndeshja e luajtur në Vlorë ishte një dominim total i Flamurtarit, që pati epërsi nga perioda e parë deri tek e fundit. Madje gjithçka u vendos pas 10 minutave të para, me vendaset që shkëputen e udhëheqin 27-8. Partizani, i vetëdijshëm se nuk mund të rivalizojë, pranon epërsinë e Flamurtarit.

Me kalimin e minutave, skuadra e drejtuar nga trajnerja Elona Hasanaj menaxhon avantazhin (45-24 pjesa e parë) dhe përpiqet ta thellojë atë në pjesën e dytë, duke fituar 94-58. Lojtarja më e mirë për Flamurtarin ishte Laura Johnson, që realizoi një “triple double”, me 32 pikë, 13 rebound e 10 asist.

Ndërsa për Partizanin, u dallua Aida Palko me 13 pikë e 12 rebound, por që s’mjaftuan për të fituar. Pas ndeshjes, festë në pallatin e sportit në Vlorë për këtë titull plotësisht të merituar nga ana e basketbollisteve vendase, që tregojnë se janë skuadra më e mirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat