Fitorja e tretë për Pejën, humbja e tretë për Yllin

Basketboll

Fitorja e tretë për Pejën, humbja e tretë për Yllin

Më: 25 shtator 2022 Në ora: 19:28
Fitorja e tretë për Pejën, humbja e tretë për Yllin

Peja ka shënuar fitoren e tretë në këtë edicion, duke mundur me përmbysje kampionin, Golden Eagle Yllin me rezultat 73:57 (11:21, 13:9, 25:19, 24:8), në xhiron e tretë të elitës.

Mysafirët e nisën ndeshjen më mirë, me një seri prej 2:10, e më pas duke e thelluar edhe më shumë epërsinë, në 6:21, ndërsa çereku i parë përfundoi 11:21. Vendasit dalëngadalë u rikthyen në periudhën e dytë, për të ngushtuar shifrat, edhe pse kjo pjesë u karakterizua me shumë pak pikë të shënuara, ndërsa skuadrat shkuan në pushim me rezultat 24:30.

Kampionët e Kosovës në periodën e tretë kishin epërsi deri në nëntë pikë, 29:38, por pejanët sërish u rikthyen, duke u zhvilluar një lojë e barabartë dhe rezultati në semafor pas 30 minutash ishte 49:49. Dhjetë minutat e fundit ishin vendimtare. Pejanët këtë pjesë e nisën furishëm me një seri prej 13:1 dhe thelluan epërsinë me kalimin e minutave, duke triumfuar 73:57.

Te Peja u dallua Bradly Waldow me 15 pikë dhe 13 kërcime, kurse te Ylli u dallua Henrik Sirko me 16 pikë e tetë kërcime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat