Fillon Liga e Parë e Meshkujve

Basketboll

Fillon Liga e Parë e Meshkujve

Më: 29 shtator 2022 Në ora: 11:14
Fillon Liga e Parë e Meshkujve

Sot (e enjte) fillon Liga e Parë e Meshkujve në basketboll, ku do të ketë disa ndeshje interesante.

Sfida e parë është mes Happy Dukagjinit dhe Gjakovës së Re, që ka hyrë nga Liga e Dytë.

Drita, që edicionin e kaluar garoi në Superligë, do të përballet me Prishtinën e Re, që ishte mundur në “Play-out” nga Rahoveci.

Takim interesant shihet edhe ndërmjet Boreas dhe Vushtrrisë.

Të premten, skuadra prizrenase New Basket do të ndeshet me Marigona Hill Prishtina, ndërsa e fundit e kësaj xhiro është mes Istogut dhe Bora-s, kurse AS Prishtina do të pushojë në xhiron e parë.

Në fillim do të jenë 22 xhiro dhe më pas skuadrat do të përballen në bazë të sistemit të Bergerit dhe në fund do të jetë “Play-off”, ku do të vendoset se cila skuadër do të hyjë në Superligë dhe cila do të jetë në “Play-out”.

Liga e Parë-Java 1

E enjte

17:00 Happy Dukagjini-Gjakova e Re

19:00 Drita-Prishtina e Re

20:00 Borea-Vushtrria 

E premte

16:00 New Basket-Marigona Hill Prishtina

19:00 Istogu-Bora

AS Prishtina pushon

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat