Knicks shtangin Bostonin, Miami fiton në Filadelfia
Në Filadelfia u luajt një duel ku fituesi u vendos 90 sekonda nga sirena e periodës të katërt.
Autori i koshit akrobatik ishte Jimmy Butler, i cili vetëm pak orë përpara ndeshjes deklaroi se ishte i lodhur nga humbjet.
Lideri i Miamit ishte autor i 23 pikëve, 11 topave të fituar në tabelë dhe 9 asistëve. Loja në grup e Heat anuloi 27 pikët e Joel Embiid dhe 20 pikët e James Harden.
Ky i fundit në të rënë të sirenës gaboi edhe tre pikëshin që do ti kishte dhënë fitoren njërës prej skuadrave më të mira të Konferencës të Lindjes.
Po në Konferencën e Lindjes erdhi edhe surpriza e dytë e mbrëmjes me Nju Jorkun që koleksionoi fitoren e gjashtë radhazi sezonale në një duel ku kishte përballë njërën prej skuadrave më të kuotuara për të fituar titullin. Julius Randle dhe Immanuel Quickley me 23 pikë secili shtangën Bostonin e Jason Tatum, i cili përfundoi takimin me vetëm 14 pikë llogari.
