Java e 20-të dhe e fundit e sezonit të rregullt të Superligës në basketboll për meshkuj regjistroi humbjen surprizë të Besëlidhjes, skuadrës kryesuese të kampionatit. Lezhjanët u mundën 96-87 nga Kamza Basket në shtëpinë e kësaj të fundit.
Një humbje që nuk ndikon shumë në renditje, pasi Besëlidhja e mbron kreun e renditjes. Për Kamzën, u dalluan Gray me 28 pikë e Thano me 27 pikë e 12 rebound, ndërsa 38 pikët e Jordan për lezhjanët mbetën për statistikë.
Jashtë fushe fiton Tirana, që në Vlorë mundi 90-67 Apoloninë. Fitore për statistikë për bardheblutë, të cilët qëndrojnë në vendin e tretë, ndërsa fierakët janë në play out. Hysenagolli me 22 pikë e 11 rebound ishtë lojtari i ndeshjes.
Pa probleme fiton edhe Teuta kampione, që mundi 95-55 Vllazninë e vendit të fundit, ndeshje e luajtur në Shkodër. Miqtë u shkëputën në pjesën e dytë, ndeshje ku diferencën e bëri Sullivan me 27 pikë e 20 rebound. Vllaznia sezonin e ardhshëm do të zbresë nga kategoria.
Superliga-Meshkuj, java e 20-të
Kamza Basket – Besëlidhja, 96-87
Apolonia – Tirana, 67-90
Vllaznia – Teuta, 55-95
Renditja: Besëlidhja 35 pikë, Teuta 35 pikë, Tirana 32 pikë, Kamza Basket 30 pikë, Apolonia 27 pikë, Vllaznia 21 pikë.
