Incident pas incidenti. Prizren, Gjakovë, e tash as Prishtina nuk kaloi pa tensione.
Basketbolli i Kosovës po përballet me një valë dhune.
Në Prizren, basketbollisti Dardan Berisha u godit në kokë me shkrepëse. Në Gjakovë, Bledar Gjeqaj – ndihmëstrajner i KB Bashkimit, u godit me shishe plastike. Lëndime në kokë.
Mjaft më me mesazhe sensibilizuese. Nuk është më koha për statuse e deklarata formale, por për veprime të ashpra dhe parandaluese. Dhuna nuk ndalet me fjalë, ndalet vetëm me dënime tw rwnda.
KB Vëllaznimi, para ndeshjes me Trepçën dërgon një mesazh:
“Kulturë – Po.
Mikpritje – Po”.
Ky është standardi që duhet ndjekur. Por fatkeqësisht, vetëm mesazhet nuk mjaftojnë.
Dënimet aktuale, disa mijëra euro gjobë apo tre ndeshje pa shikues nga pjesa e ballkonit, e kanë humbur efektin. Përkundrazi, po e inkurajojnë dhunën.
Zgjidhja është e qartë: 8–12 ndeshje jashtë fushe për klubin ku ndodh incidenti
Të paktën 100 kilometra larg shtëpisë
Identifikim dhe ndjekje penale për huliganët
Burgim për dhunë fizike në ambiente sportive
Palestrat nuk janë arena dhune. Janë vende sporti, edukimi dhe familjeje.
Pas Prizrenit, Gjakova.
Pastaj Prishtina. Kush është radha e radhës? A duhet të presim tragjedi për të reaguar?
Dhuna duhet të ndalet tani.
Nuk ka më vend për mesazhe. Vetëm për veprim.
