Trepça ka bërë hapin e madh drejt finales me fitoren në ndeshjen e parë të gjysmëfinales së play-off-it të Kampionatit të Kosovës në basketbolli.
Basketbollisti Drilon Hajrizi ishte figura qendrore e mitrovicasve në fitoren me rezultat 86:78.
Në fakt, Hajrizi u zgjodh edhe basketbollisti më i mirë i ndeshjes.
“Drilon Hajrizi, MVP i publikut!
Me efikasitet dhe shënime në çaste vendimtare ai ndihmoi Trepçën të fitojë ndeshjen e parë ndaj Pejës.
Hajrizi shënoi 17 pikë dhe 6 kërcime, ndërsa qëlloi 3 nga 4 tentimet për tri pikë”, thuhet nga FBK.