Klubi i basketbollit Trepça mposhti Bashkimin me rezultat 94:79 në një atmosferë spektakolare në “Minatori” të Mitrovicës, duke e nisur me fitore serinë finale dhe duke marrë epërsinë 1:0 në finalet e Play-off-it.
Te Trepça u dalluan Mustapha Amzil me 21 pikë e 13 kërcime, Kenneth Hasbrouck me 22 pikë dhe Dardan Kapiti me 16 pikë e 6 kërcime.
Ndërsa te Bashkimi më efikasi ishte Shannon Shorter me 27 pikë.
Trepça tani ka epërsinë edhe psikologjike më këtë fitore në finalen e parë të Kampionatit të Kosovës.