BBC raporton për vrasjen e shqiptarit në Angli

Diaspora

BBC raporton për vrasjen e shqiptarit në Angli

Më: 7 janar 2022 Në ora: 09:37
Ilustrim

Mediat britanike kanë bërë publik emrin e një djali të ri që mbeti i vrarë në Londër, natën e Vitit të Ri. Bëhet fjalë për shqiptarin Fatjon Oruçi, vetëm 26 vjeç. I riu humbi jetën pas një sherri të dhunshëm të ndodhur në rrugë, në South Yorkshire.

I riu nga Kukësi, i cili jetonte në Londër, u gjet i plagosur në rrugën Doncaster, Rotherham, rreth orës 01:20  të së shtunës.

Sipas asaj që shkruan BBC, nga ekzaminimi mjeko-ligjor rezultoi Oruçi vdiq nga gjakderdhja si pasojë e plagëve të rënda të shkaktuara nga goditjet. Policia e South Yorkshire saktësoi se ai ishte goditur edhe me thikë.

Për ngjarjen autoritetet britanike arrestuan 2 persona, një djalë 26-vjeçar dhe një vajzë 20-vjeçe, si të dyshuar për vrasjen. Të martën u arrestua edhe një 23-vjeçar nga Rotherham, por ai u la më pas i lirë për mungesë provash. Mësohet se autoritetet kanë vënë në dispozicion të familjes shqiptare specialistë për t’u përballur me humbjen e të riut.

Ndërkohë, policia ka kërkuar ndihmën e personave që mund të kenë dëshmuar ngjarjen dhe kanë informacion rreth saj, teksa hetimet për vrasjen e Oruçit vijojnë. Deri më tani e gjithë ngjarja që çoi në vdekjen e të riut shqiptar mbetet e paqartë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat