Njohja e gjuhëve të huaja, jo në dëm të gjuhës shqipe!

Kultura

Njohja e gjuhëve të huaja, jo në dëm të gjuhës shqipe!

Nga: Gani I. Mehmeti Më: 27 nëntor 2021 Në ora: 11:37
Gani I. Mehmeti

Urime .Festofsh edhe të lumtura me shëndet të plotë ime!

Gëzuar

Happy birthday to you

Si shembull, mora këtë urim nga FB.

Nuk di se ka diçka të keqe urimi në gjuhën shqipe. Është një urim i mjaftueshëm për datëlindjen e shoqes, në të cilin janë dhënë të gjitha: Urimi, dëshira për të jetuar gjatë, e lumtur dhe me shëndet.

Mua më kërceu e m’u duk si e tepërt, tani urimi edhe në gjuhën angleze! Vallë, a nuk mjaftoi urimi në gjuhën shqipe, a ka nevojë të urohet tani edhe në gjuhën angleze, si një gjuhë e huaj, ani pse ajo synon dhe pothuaj është bërë si një gjuhë botërore. Apo, ne jemi mësuar ta nënçmojmë gjuhën tonë Shqipe, gjuha më e vjetër në Europë, prej së cilës dolën edhe shumë gjuhë të tjera, që sot janë rritur e shtuar më shumë se vetë kjo, nga e cila dolën.

Nuk besoj të jetë edhe një popull tjetër në botë që kaq shumë e ulë Gjuhën e vet dhe vetvetën karshi gjuhëve dhe popujve tjerë, kaq sa ne!

Absolutisht nuk jam kundër mësimit e njohjeve të gjuhëve të huaja, por jam kundër përdorimit të tyre në komunikimin ndërshqiptar, pse përveç që është e panevojshme, e ulë dhe e nënçmon Gjuhën Shqipe, sikur kjo nuk paska fuqinë e të shprehurit dhe të kuptimit të mjaftueshëm!

Jam gjithherë me Fishtën, i cili mallkon të gjithë ata që e përdorin pa nevojë gjuhën e huaj në vend të shqipes!

Pra, mësojini, përvetësojini gjuhët e huaja, por të mos jenë e të mos i prdorni asnjëherë në dëm të gjuhës Shqipe, sepse ashtu nuk do të bëheni më të mëdhenj, as më të ditur, as më të fortë, përkundrazi!

Një të huaj, do e uroja në këtë mënyrë: Më parë në gjhën shqipe e pastaj edhe në gjuhën e tij, por jo një bashkëkombas timin!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat