Fakulteti Filozofik në Universitetin e Prishtinës dhe Qendra Kombëtare e Librit dhe Leximit në Tiranë, nënshkruan sot marrëveshje bashkëpunimi.
Kjo ujdi pritet të thellojë bashkëpunimin ndërmjet Kosovës dhe Shqipërisë në fushën e kulturës.
Po ashtu, kjo qendër bëri dhurimin e 67 titujve të rinj për bibliotekën e Fakultetit Filozofik, me rastin e 65-vjetorit të këtij fakulteti.
I pranishëm ishte edhe ambasadori i Shqipërisë në Kosovë, Petrit Malaj.
“Ne do të jemi në ritmin e duhur dhe do të mbështesim çdo projekt që do të çojë më tej këtë vëllazëri dhe këtë unitet tonë të përbashkët në fushën e dijës, arsimit, artit dhe kulturës”, u shpreh Malaj në fjalën e tij.
