Kush na ka faj për të këqijat që na kanë ndodhur e po na ndodhin?

Kultura

Kush na ka faj për të këqijat që na kanë ndodhur e po na ndodhin?

Nga: Adem Bytyçi Më: 26 qershor 2025 Në ora: 17:13
Autori Adem Bytyçi

Jo, toka jonë s’ka faj,

fajin e kanë njerëzit,

ata që shqiptarët

i vrisnin njëri-tjetrin,

jo për shtet, as për komb,

por për xhep e për shkam.

Hasan Prishtinën,

Luigj Gurakuqin,

Bajram Currin,

e shumë gazetarë,

patriotë shqiptarë,

në Shqipëri e në Kosovë

i kanë vrarë shqiptarët,

jo për komb e shtet,

por për pak lekë e pushtet.

Toka jonë s’ka faj.

Ajo qan, loton

për çdo shqiptar që humb jetën.

Fajin e kanë individët,

që urrejnë njëri-tjetrin

për të arritur majat e pushtetit.

Si rasti i deputetëve tanë

në Parlamentin e Kosovës,

që pas 37 seancash

s’arritën të merren vesh

për ta konstituar Kuvendin.

Kështu si jemi,

nuk na don as Kosova,

as Zoti, as bota,

pa ndryshuar mentalitetin

për të dashur njëri-tjetrin,

kombin dhe atdheun.

comment Për komente lëvizni më poshtë
Sot mund të lexoni Shfletoni kopertinat