Çdo e katërta veturë që është futur në Kosovë, nuk i plotëson kushtet teknike për të qenë pjesë e trafikut. Kjo statistikë është nxjerr për katër muajt e parë të vitit 2021, por që të dhënat e ngjashme vlejnë edhe për vitet e kaluar në Kosovë.
Këto të dhëna që rrezikojnë edhe jetën e qytetarëve në Kosovë ia ka dorëzuar Qendra e Automjeteve e Kosovës (QAK), Ministrisë së Mjedisit, Planifikimit Hapësinor dhe Infrastrukturës.
Përafërsisht, çdo e katërta veturë e futur në Kosovë është kthyer dhe udhëzuar për aftësim pas kontrollit në import, ku defektet teknike janë më të shpeshta te këto vetura.
Pra, çdo e pesta veturë e futur në vendin tonë nga muaji janar është evidentuar me defekte të mëdha teknike, të cilat sjellin rrezikshme të lartë në komunikacion.
Nga statistikat e siguruara për katër muajt e parë, plot 1,631 makina të importuara nga jashtë nuk e kanë kaluar kontrollin e parë dhe ishin të ndaluara për qarkullim.
Hiç më mirë nuk qëndrojnë as mjetet transportuese, autobusët, minibusët, kamionët dhe transporerët. 14 për qind të këtyre mjeteve që janë futur në Kosovë nuk kanë marrë leje që të hyjnë në trafik për shkak të problemeve të ndryshme teknike.
Një nga problemet shqetësuese të veturave të futura në Kosovë është edhe dallaverja që bëhet në ndërrimin e kilometrave. 172 vetura në katër muajt e parë që janë futur në Kosovë janë evidentuar së kanë ndryshuar kilometrat. Atyre u janë shtuar kilometrat, me qëllim që të paguhet më pak doganë për to.
Vetëm një veture që kishte 200 mijë kilometra, i janë bërë 700 mijë kilometra në mënyrë që pagesën prej 10 mijë eurosh, ta bënte 1,000 euro në doganën e Kosoves.
Organet përgjegjëse kanë gjetur rreth 1,000 makina brenda Kosovës që i janë ndryshuar kilometrat. IndeksOnline mëson se janë rreth 50 auto-sallone që po hetohen nga Njësia e Auto-Krimeve të Policisë për veprime të ngjashme.
Një fenomen tjetër shqetësues në këtë industri është edhe tentimi që të zëvendësohet ndryshimi i identitetit të makinave të përdorura. Në 109 raste, janë evidentuar kur është tentuar të zëvendësohet numri i shasisë, apo të rishkruhet në mënyrë të paautorizuar.
Nga vitit 2018 e këndej, janë mbi 1,000 raste të tilla të raportuara si të dyshimta, nga Qendra e Automjeteve të Kosovës.
Shqetësuese për trafikun kosovar është fakti se më tepër se 250 makina të përdorura që ishin të aksidentuara [jashtë Kosovës], por që kur u sollën në Kosovë, nuk u raportuan si të tilla. Vetëm 48 prej tyre janë lejuar të dalin në rrugë, pas kontrollit të parë në import.
Të gjitha këto parregullsi në lidhje me makinat e përdorura që importohen në Kosovë, kanë shqetësuar edhe Odën Ekonomikë Britanike në Kosovë, që në një kumtesë të mëhershme.
