Kosova shpalli “non grata” dy zyrtarë rusë/ Reagon ashpër Ministria e Jashtme ruse

Lajme

Kosova shpalli “non grata” dy zyrtarë rusë/ Reagon ashpër Ministria e Jashtme ruse

Nga: A.M Më: 24 tetor 2021 Në ora: 10:06
Maria Zaharova

Ministria e Jashtme e Rusisë ka reaguar pas shpalljes “non grata” të dy zyrtarëve rusë nga presidentja e Kosovës, Vjosa Osmani.

“Autoritetet e vetëshpallura të Kosovës dhe forcat pas tyre nuk reshtin së provokuari diplomatët rusë në Republikën e Serbisë.

Sapo bashkëpunëtorët e zyrës në Prishtinë të Ambasadës Ruse në Serbi u larguan nga territori i Kosovës, u organizua një provokim i ri - u lëshua dezinformata me qëllim të vënies në dyshim të respektimit të Rusisë ndaj Rezolutës 1244 të Këshillit të Sigurimit të OKB -së," tha udhëheqësja e departamentit të informacionit dhe mediave në MPJ-në ruse, Maria Zaharova, transmeton “Bota sot”.

Ajo theksoi se Rusia dënon fuqishëm "sjellje të tilla destruktive dhe hedh poshtë të gjitha insinuatat për ndryshimin e pretenduar të qëndrimit të Rusisë ndaj mosnjohjes së "Republikës së vetëshpallur të Kosovës".

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat