Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informoi se në 24 orët e fundit janë shënuar edhe 585 raste të reja me CoVID-19 në Kosovë.
Sipas raportit, kjo shifër ka rezultuar nga testimi i 6 mijë e 589 personave.
Po ashtu, u bë e ditur se janë shëruar 57 qytetarë, ndërsa nuk është raportuar për asnjë rast të vdekjes.
Njoftimi i plotë:
14 Janar 2022: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 3.830 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 1.708.466 doza të vaksinës.
Deri më sot 794.496 qytetarë janë vaksinuar me dozën e dytë.
Deri më sot janë dhënë 27.183 doza përforëcuese dhe 2.147 doza të treta të vaksines kundër COVID-19.
Nga 6.589 testime, 585 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 57 qytetarë, derisa numri i përgjithshëm i të shëruarve është 158.372.
Në total numri i rasteve aktive është 3.339.
