Ka ndërruar jetë nëna e gazetarit të njohur në Gjenevë

Lajme

Ka ndërruar jetë nëna e gazetarit të njohur në Gjenevë

Më: 19 janar 2022 Në ora: 17:59
Pamje nga ceremonia e varrimit

Dje në orët e pasditës në Spitalin ‘Sheihk Zayed’ në Vushtrri ka ndërruar jetë Tevide Maliqi (84) nga Presheva, nëna e gazetarit të njohur ndërkombëtar në Gjenevë, Nefail Maliqit, shkruan gazeta zvicerane Le Canton27.ch

Ajo është varrosur sot me nderime të larta në Preshevë në praninë e fmiljarëve dhe qindra qytetarëve.

E ndjera ishte më shumë se një nënë, ishte nënë edhe e të tjerëve se shumë kush kishte ngrënë bukë nga duart e saj me vite të tëra.

Ishte një grua fisnike, bujare, humane! Ishte solidare, nuk e ndali dorën kurrë për të varfërit, jetimët dhe skamnorët! Ajo rriti dhe shkolloi katër djem e katër vajza me sakrifica të mëdha.

Falë këtij angazhimi dhe edukimi permanent ndaj fëmijëve Tevidja me bashkëshortin e saj po ashtu të ndjerë (Qemajl Maliqi) arritën t’i japin Preshevës, Kosovës dhe shqiptarisë një gazetar me renome ndërkombëtare i cili i kontribuoi procesit ndërkombëtarë në ballkan sidomos sensibilizimit të çështjes së Kosovës dhe asaj mbarëkombëtare në arenën ndërkombëtare.

Image
Nefail Maliqi dhe nëna e tij

Prandaj, Nana Tevide lirisht mund ta quajmë heroinë kombëtare për meritat e saj që i dha dhe i la kombit një gazetar me përmasa botërore.

Familja Maliqi nga Presheva falënderon kirurgun e njohur në Vushtrri Dr. Ekrem Sefiun dhe ekipin e tij mjekësor në Spitalin ‘Sheihk Zayed’ që bënë gjithëçka për nënën e tij, por nganjëherë për vazhdimin e jetës së dikujt, tjetër kush e ka n’dorë!

Telegrame ngushllimi për humbjen e nënes së tij kolegu ynë Maliqi ka marrur nga autoritetet e Luginës ashtu edhe nga Kosova, Shqipëria e diaspora.

Varrimi i së ndjerës u bë sot në vendlindje-Preshevë.

Edhe ne kolegët në emër të redaksisë, i dergojmë ngushëllimet tona të sinqerta kolegut Nefail Maliqit për bumbjen e nenës së tij.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat