​Graçanica asfaltoi urën e armuar në Gushtericë të Poshtme vetëm pas gjetjes së Zyrës së Auditimit

Lajme

​Graçanica asfaltoi urën e armuar në Gushtericë të Poshtme vetëm pas gjetjes së Zyrës së Auditimit

Më: 15 maj 2022 Në ora: 16:36
Foto ilustrim

Komuna e Graçanicës nuk ka shtruar asfaltin në urën e fshatit Gushtericë e Poshtme në vlerë 23.297 euro dhe se një gjë e tillë është bërë vetëm pasi Zyra Kombëtare e Auditimit ka gjetur se punimet nuk janë përfunduar sipas kushteve të tenderit. Ndërsa komuna këto punime i kishte prezantuar si të përfunduara.

Në raportin e Zyrës së Auditimit thuhet se edhe rrethoja e urës nuk është bërë në gjatësinë e paraparë dhe se ajo ishte bërë për 14.4 metra më shkurt se sa ishte planifikuar dhe se ishte montuar vetëm 17.6 metra nga 32 metra sa ishin planifikuar. Edhe këto punime nga ana e komunës së Graçanicës ishin prezantuara si të kryera.

Gjatë ekzaminimit të projektit më datën 24.03.2022 nga ana e Auditorit së bashku me projektin e menaxherin e projektit është gjetur se shtrimi i asfaltit në trashësisë 4 cm, nuk ishte realizuar fare dhe montimi i rrethojës ishte bërë për 17.6 metra.

Pas ekzaminimit të projektit më datë 05.05.2022, është vërejtur se mangësitë e identifikuara ishin eliminuar dhe se kjo kishte ndodhur si rezultat i mbikëqyrjes joadekuate nga menaxheri i projektit, thuhet në raport.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat