Tha se Kosova mund t’i heqë targat KM, Serbia s’i ndal sulmet ndaj Stanos

Lajme

Tha se Kosova mund t’i heqë targat KM, Serbia s’i ndal sulmet ndaj Stanos

Më: 2 korrik 2022 Në ora: 10:39
Peter Stano

Drejtori i të ashtuquajturës “Zyra për Kosovën” në qeverinë e Serbisë, Petar Petkoviq, i ka reaguar zëdhënësit të BE-së, Peter Stano, pasi ky i fundit deklaroi se Kosova ka të drejtë që t’i heqë nga përdorimi targat që lëshohen nga autoritetet e Serbisë. Stanon e ka sulmuar edhe vartësi i Vuçiqit, Aleksander Vulin duke e quajtur atë frikacak e hipokrit.

“Pra ai thotë se në bazë të marrëveshjes së vitit 2011 dhe 2016, Prishtina ka të drejtë të heqë targat KM. Kjo nuk është e vërtetë”, ka theksuar Petkoviq për TV Pink.

Petkoviq thotë se duhet të kujtohet Jarinja e Bërnjaku, duke aluduar në bllokimin e rrugëve nga serbët lokalë shtatorin e kaluar.

“Njëra targë është neutral KS dhe tjetra është RKS. Në shtator 2020, Prishtina hoqi targat KS dhe për këtë patëm këto probleme. Ta kujtojmë Jarinjën e Bërnjankun. Çfarë duhet të zgjedhin njerëzit tanë tani. Krejt çka mbeten janë targat e shtetit të Kosovës. A mendoni se dikush ka folur për këtë? Jo”, ka thënë Petkoviq.

Ai e ka quajtur “veprim të njëanshëm” të kryeministrit Kurti vendimin për reciprocitet sa i përket targave dhe letërnjoftimeve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat