Sot janë bërë 11 vjet nga vdekja e gjeneralit të UÇK-së, Shaban Shala. Vëllai i tij, Elmiu, në një postim në Facebook është ankuar në Agjencinë për Menaxhimin e Komplekseve Memoriale për mosrregullimin e varrit të të ndjerit.
Ai tha se gjendja e varrit të gjeneralit “është dëshmia më e mirë për ‘kujdesin’ që institucionet bëjnë ndaj varreve të dëshmorëve dhe heronjëve”.
“Gjendja ne te cilen ashte varri i Shaban Shales, ashte deshmia me e mire per “kujdesin” qe Instiucionet e Kosoves, konkretisht Agjencia për menaxhimin e komplekseve memoriale ben ndaj varreve te Deshmoreve dhe Heronjeve te Kombit shqiptare”, ka shkruar ai.
Elmi Shala ka publikuar fotografi të varrit të vëllait të tij të ndjerë.
Postimi i plotë:
Sot u ban 11 vite nga ndarja fizike prej nesh te Gjeneral Shaban Shales.
Ne pranin e familjareve, bashkluftetareve, miqeve dhe atyre qe e njohen vlla Shabanin i’u ben nderime pran varrit kur prehen eshtrat e Tij.
Shaban Shala kishe nje jete te tan ne sherbim te Atdheut, nuk kurseu asgje nga vetja por gjithçka qe pati e vuni ne sherbim te Popullit dhe qeshtjes kombetare.
Gjendja ne te cilen ashte varri i Shaban Shales, ashte deshmia me e mire per “kujdesin” qe Instiucionet e Kosoves, konkretisht Agjencia për menaxhimin e komplekseve memoriale ben ndaj varreve te Deshmoreve dhe Heronjeve te Kombit shqiptare.
Neve si familje jemi te prekura thelle nga perbuzja qe iu behet heronjeve, konkretisht varreve te tyre lendine.
Historia do ti mallkoj per mosveprim ata qe udheheqin me institucionin shteteror e jan te thirrun per perkujdesjen e vlerave dhe trashegemise se Luftes.
